بلدك خربانه ياريس !!!!!

بلدك خربانه ياريس !!!!!
كلمه سمعتها مدويه فى احد الميادين الرئيسيه فى مصر من احد البائعين الواقفين على امتداد الميدان الشهير
سمعتها وبقت معلقه بأذنى وفضلت افكر فيها من كل النواحى ولحقنى سواق الميكروباص اللى كنت اركبه فى تلك الاثناء بأغنيه غبيه جداً لم اعرف لها معنى تلك الاغنيه التى تقول ( الدنيا خربانه ) ومع تلك الاغنيه اكتشفت ان كل المناطق خربانه بكل المحافظات
وبقيت طيله الليل متيقظاً افكر هل اصبحت بلدنا خربانه فعلاً
جلست افكر فى الكلمه من كل النواحى ووصلت لتلك النتائج :
اننا حينما نحكم على بلدنا انها اصبحت خربانه فان لذلك دلاله انها اصبحت خربانه من عده مستويات اهمهم مستوى دينى ومستوى اخلاقى ومستوى ثقافى.

والثلاثه بالنسبه للمصريين اصبحوا حدث ولا حرج

وسوف اقوم بشرحهم من وجه نظرى الشخصيه

اولا : المستوى الدينى :
عند معظم الشباب المستوى الدينى فى الضياع والحمد لله قم بايقاف اى شاب فى اى شارع فى اى وقت واساله سوال فى الدين مثلاً : كم غزوه غزاها الرسول عليه الصلاه والسلام ؟ اتحداك ان تجد عند معظمهم اجابه
اساله كم اغنيه غناها تامر حسنى منذ خروجه من السجن ستجد 99.9% منهم عارفين الاجابه عن ظهر قلب
ولذلك اصبح المستوى الدينى : خربانه والحمد لله

ثانياً: المستوى الاخلاقى :
منذ حوالى اسبوع كنت متجه الى العمل فى الصباح وكنت اركب الميكروباص و بالمصادفه سمعت برنامج على تلك الاذاعه المسماه نجوم اف ام مش مفتكر اسم البرنامج بصراحه بس هو فى حاجه كوكاكولا وكان يجلس بجوار السائق فتاتان وبجوارى فتاه وباقى الميكروباص رجال وشباب المهم فى وسط البرنامج جاء اعلان عن ( واقى ذكرى ) تخيلوا على الصبح وعلى اذاعه عامه يتم الاعلان عن واقى ذكرى فوجئت بالبنت التى تجلس بجوارى وقد علت على وجهها دماء الخجل والفتاتان بجوار السائق شبه ابتسامه لم افهم معناها بصراحه حتى الان واللى زود الطين بله ان يقوم احد الشباب بارسال رساله الى البرنامج بعد العوده تخيلوا ماهو الذى يطلبه فى الرساله ( اتمنى ان تقوم مدن الملاهى فى مصر بوضع ماكينه خاصه بالاحضان تكون بمستويات معينه حضن دافى" حضن متوسط " حضن ناشف) ولكم ان تتخيلوا منظر البنات الثلاثه فى تلك اللحظه
حينها ابتسمت بينى وبين نفسى وعرفت ان المستوى الاخلاقى . خربان والحمد لله .
ثالثاً: المستوى الثقافى :
لا يسعنى الا الضحك احنا على رأى مشهد فى فيلم (الناظر) لعلاء ولى الدين لما سال الولد الصغير انت عامل ايه فى الانجليزى قاله كله فى الكليتش يابيه
احنا بقي مستوانا الثقافى كله فى الكليش والحمد لله
هاتقولى سيادتك ما الشباب بيعرف يتعامل مع الانترنت اهوه اللى هو اعلى مستوى ثقافى فى العالم هارد على سيادتك وهاقول ده اعلى مستوى ثقافى مع اللى بيعرف يستخدمه صح مش مع شبابنا اللى 99% منه بيدخل النت عشان يعمل علاقات مع بنات او يشيت او يدخل عشان يلعب مش داخل علشان يقرا موضوع مهم او معلومه مفيده او يتعلم حاجه
ادخل اى سيبر يقابلك وانت ماشى فى الشارع وقف بجوار اى شاب يصادفك فى النت كافيه او السيبر وشوف هو بيدخل على ايه ساعتها هاتقف فى مكانك وتفتكر انى قولتلك ان المستوى الثقافى فى الكليتش : وخربانه والحمد لله .

والان اتجه انا لكم ايها الاخوه الاعضاء المحترمين الذين من الـ 1 % المتبقيه من شبابنا

هل اصبحت فعلاً بلدنا خربانه ؟؟ وبلدنا خرباه يا عم خربانه منقوووووووووول

عزيزى سمسم
احنا كلنا اصغر من ان نقول الدنيا خربانة
بس بصراحة ومع احترامى للجميع
الدنـيــــــ خربانة ــــــــــا

وشكرا